Natale in Sicilia: poesie tipiche

In Sicilia il Natale è molto sentito e, da tempo, esistono delle poesie in dialetto che risalgono a molti anni fa. Oggi le nuove generazione raramente le sentono, ma è importante soprattutto ora non perdere la propria memoria storica, anche attraverso i più grandi:

BAMMINEDDU

O Bamminu Bammineddu,

siti duci e siti beddu;

chidda notti ca nascistivu,

oh chi friddu ca sintistivu!

La mammuzza v’allattò,

san Giuseppi vi ‘nfasciò

BAMMINU DILETTU

Veni bamminu dilettu

Veni a nasciri ‘nto me pettu,

veni veni Bamminu d’amuri

veni a nasciri ‘nto lu me cori.

C’ERA  ‘MPOURU

C’era ‘mpouru picuraru

nenti avia chi ci purtari,

ci purtau ‘mpicureddu

pi l’amuri du bammineddu.

C’era ‘mpouru panitteri

nenti avia chi ci purtari,

Ci purtau  ‘ncucciddatu

beddu cottu e caliatu.

CALU L’OCCHI

Calu l’occhi a ghiri iusu,

vidi veniri a du pasturi,

pastureddi unni iti?

Emu a vidiri lu Messia!

M’aspittati muminteddu?

Quantu vaiu nto pagghiareddu,

mi scuddai la scupittedda

e l’acidduzzi ‘nto panaru,

racinedda ‘nto cufinu,

la ghiri a purtari a Gesù Bamminu.

LA NOTTI DI NATALE

E la notti di Natali

è na festa principali,

ca nasciu lu bammineddu

supra a pagghia puureddu.

Ci a na mettiri nomu beddu,

Salvaturi, lu bammineddu.

LI TRI RIGNANTI

Si parteru li tri rignanti,

li tri re di l’Urienti

cu na stidda ncumpagnia

eru a vidiri lu Missia.

Ni mancaunu palazzi

a lu re di la Natura,

ca nasciu ‘ntra li strapazzi

‘nta na povera manciatura.

E nasciu lu Bammineddu,

senza ‘nfilu di capiddu

e lu filu ca ci avia

comu l’oru ci stralucia

A STIDDA

C’è  la  paci  e  l’ allegria

nta  la  rutta  di  Gesù

picchì  è  natu  lu  Missia

li  pasturi  ‘n  festa  su .

E  la  stidda , pi signali,

s’addimmustra a cu e ghè

ca è la Notti  di  Natali

e  nasciu  lu  veru  re.